A A A

Mo ohcat nuvttá riekteveahki

Nuvttá riekteráđi ohcamuša sáddet fylkkamánnái dan fylkkas gos ásat dahje leat guhkit áigge. Olu vuoruhuvvon áššiin sáhttet advokáhtat/riekteveahkit ieža mieđihit nuvttá riekteráđi jus dienas- ja opmodatrádjá lea devdon, ja dalle ii dárbbaš ohcat fylkkamánnis. Nuvttá riekteveahki ohcamuša áššái olgoriikkas galgá álo sáddet Oslo ja Akershusa fylkkamánnái.

Duopmostuolloáššiin sáddet nuvttá áššejođiheami ohcamuša dan duopmostullui mii galgá meannudit du ášši, jus áššesuorgi lea vuoruhuvvon riekteveahkkelága  16. § vuosttaš dahje nuppi lađđasa vuođul. Nuvttá áššejođiheami ohcamuš vuorutkeahtes áššiin riekteveahkkelága  16. § goalmmát lađđasa vuođul sáddejuvvo fylkkamánnái, seamma dahká nuvttá riekteráđi ohcamušaiguin ge.